நானாகத் திரிவேன்

நான் விரைவில் நானற்று போவேன் போகும் முன்னேயாவது நம் சந்திப்பை எனக்கு பரிசளிப்பாயா ? உன் கண்ணிலிருந்து புறப்படும் ஒளிக்கீற்று என் கழுத்தை சுவாசித்து அக்கணத்தை நிறுத்த செய்யட்டும் ,நான் நானற்று போகும் நேரம் உன் ஒற்றை விரல் தீண்டலின் ஸ்பரிசம் மட்டும் என் கண்ணுக்குள் அடைந்து சிறை படட்டும் நீ எனக்கு தர நினைக்கும் சின்ன முத்தம் ஒரு சிவப்பு அரளியாய் என் மீது வாசம் வீசட்டும் சிறு நகக்கீறலில் எழும் குருதி காலை நனைத்து வழித்தடமாய் ஆகட்டும் என் கருவம் ஆளுமை சிந்தனை செயல் எல்லாம் நீ புகுந்து நான் நீயாக மாறட்டும் உன்னை என்னிலே கொண்டு நானாகத் திரிவேன் நான்