வியாழன், 3 ஜூன், 2010

வெளிநாட்டில் வாழ்பவன்

முகம் மறந்து போன
மகனும்
மகளும்
அலுவலக மேஜையின் மீது
சிரித்துக் கொண்டிருக்க
ஒரு வருடம் கடன்
ஒரு வருடம் வீடு
ஒரு வருடம் தங்கையின் திருமணம்
ஒரு வருடம் அப்பாவின் பை பாஸ்
ஒரு வருடம் பிள்ளைகளுக்கு
வாழ்வியல் சந்தர்ப்பங்கள்
விடுமுறைகளை தள்ளிப்போட
உழைத்துக் கொண்டே இருக்கிறேன்
கண் கானா தூரத்தில் இருந்து
கிடைக்கும் சந்தர்ப்பங்களில்
அலைபேசிகளில்
வழியும் ஏக்கங்கள்
என் தாகத்தை சுலபமாக
தீர்க்கும் பாட்டில்கள்
உன் ஏக்கத்தை எப்படி தீர்த்து கொள்கிறாய்
என் பிரியமானவளே?

கருத்துகள் இல்லை:

கருத்துரையிடுக

குறிப்பு: இந்த வலைப்பதிவின் உறுப்பினர் மட்டுமே ஒரு கருத்துரையை வெளியிடக்கூடும்.